შინაგან საქმეთა სამინისტროს ინფორმაციით, თბილისში ტრეფიკინგის ბრალდებით 37 წლის გ.ჩ. დააკავეს. გამოძიების ინფორმაციით, მან მატერიალური სარგებლის მისაღებად გეგმა შეიმუშავა და 45 წლის ნ.ჩ.-ს სისტემატიურად აიძულებდა ემათხოვრა.
“იგი 1976 წელს დაბადებულ ნ.ჩ.-ს სისტემატურად უწევდა შრომით ექსპლუატაციას, კერძოდ, დამცირებით, აბუჩად აგდებით და ფიზიკური ძალადობის გამოყენების მუქარით, აიძულებდა თბილისის სხვადასხვა ქუჩებში, ყოველდღიურად მოწყალება ეთხოვა. ბრალდებული ნ. ა.-ს მიერ აღნიშნული გზით შეგროვებულ თანხებს ისაკუთრებდა”, – წერია უწყების განცხადებაში.
ტრეფიკინგის ფაქტზე გამოძიება სისხლის სამართლის კოდექსის 143 პრიმა მუხლის პირველი ნაწილით მიმდინარეობს.
დანაშაული 7-დან 12-წლამდე ვადით თავისუფლების აღკვეთას ითვალისწინებს.
კომენტარები
Loading ...