სუს-ის შენობაში „ნაციონალური მოძრაობის“ კიდევ ერთი წევრი მურთაზ ზოდელავა მიიყვანეს

სახელმწიფო უსაფრთხოების სამსახურის შენობაში „ნაციონალური მოძრაობის“ კიდევ ერთი წევრი მურთაზ ზოდელავა მიიყვანეს.

ამ დროისთვის, უცნობია, რა სტატუსით შეიყვანეს ზოდელავა უწყების წარმომადგენლებმა სუს-ში ჯერ-ჯერობით უცნობი. ზოდელავას სუს-ში შეყვანის მიზეზი უცნობის მისი ოჯახის წევრებისთვის.

მანამდე მურთაზ ზოდელავამ კომენტარი გააკეთა ლევან ხაბეიშვილის დაკავებაზე და თქვა, რომ ამ ყველაფერზე პასუხი 4 ოქტომბერს უნდა გაეცეს.

„ახლა იმდენი კასკადია ამ უკანონობის და ზოგადად, აღვირახსნილობის, რომ ყველაფერზე პასუხი 4 ოქტომბერს უნდა გავცეთ. აი, სულ ყველა ვინც არის, ქალი, კაცი, ერი, ბერი, ყველამ უნდა მოვიკრიბოთ ძალ-ღონე და 4 ოქტომბერს ამ ყველაფერზე უნდა გავცეთ ისეთი პასუხი….

ბიძინა რასაც აქ აკეთებს, ამას ჰქვია „ჩემი ბოსტანი ხართ“, ყველგან იმას გვამაგრებს, რომ „ჩემი ყმები ხართ“. ამას სჭირდება პროტესტი, ამბოხი, მშვიდობიანი რევოლუცია, პასუხის გაცემა. ფაქტობრივად, ლევანის [ხაბეიშვილის] გატაცება იყო. დაკავების განსხვავებული ფორმა. ბიძინამ გადაწყვიტა, დააკავოს ყველა, ვის მიმართაც ხალხს გააჩნია ნდობა, სიმპათია და ვისაც გააჩნია უნარი, რომ ქართველ ხალხს მობილიზება გაუკეთოს. ეს არის პერსონალურად ივანიშვილის გადაწყვეტილება. დარწმუნებული ვარ, იმ ქაღალდში არაფერი წერია, არც სამხილია. ლევანი ღირსეულად დახვდა და თავისი პოლიტიკური შეხედულება გამოხატა. ფაქტია, ივანიშვილს 4 ოქტომბრის ეშინია. ეს მისი შიში ლოგიკურ დასასრულამდე უნდა მივიყვანოთ, საქართველო არის გასათავისუფლებელი. ეს დაკავება არის პირდაპირ იმის გამოხატულება, რომ მათ გააჩნიათ კონკრეტული შიში ქართველი ხალხის კონცენტრირების“, – განაცხადა მურთაზ ზოდელავამ.

ცნობისთვის, „ნაციონალური მოძრაობის“ პოლიტსაბჭოს თავმჯდომარე ლევან ხაბეიშვილი დააკავეს.