“სტუმრად მყოფი პრემიერისთვის რაღაცის დაძახებას აპირებდა” – ოზურგეთის სასამართლომ საკრებულოს დეპუტატი დამნაშავედ სცნო ადმინისტრაციულ სამართალდარღვევათა მუხლით

დღეს ოზურგეთის რაიონული სასამართლოს მოსამართლემ, თორნიკე კაპანაძემ , ოზურგეთის მუნიციპალიტეტის საკრებულოს დეპუტატი, ,,ერთიანი ნაციონალური მოძრაობიდან” , თათია ნიკოლაიშვილი დამნაშავედ სცნო ადმინისტრაციულ სამართალდამრღვევათა მუხლით და მას სიტყვიერი გაფრთხილება მისცა. როგორც ,, ერთიანი ნაციონალური მოძრაობის” რაიონულმა ლიდერმა, დავით მჟავანაძემ გვითხრა, აღნიშნული გადაწყვეტილება მოსამართლე კაპანაძემ მას შემდეგ მიიღო, რაც გუშინ სამართალდამცავმა  მოსამართლეს მოახსენა, რომ თათია ნიკოლაიშვილი , მის ხელთ არსებული ოპერატიული ინფორმაციით , ოზურგეთში სტუმრად მყოფი პრემიერისთვის რაღაცის დაძახებას აპირებდა. მჟავანაძემ აღნიშნა, რომ ნიკოლაიშვილს არჩადენილი დანაშაულისთვის მისცეს სიტყვიერი გაფრთხილება და სცნეს დამნაშავედ. მჟავანაძე მიიჩნევს, რომ საქართველოში სიტყვის და გამოხატვის თავისუფლება საფრთხის ქვეშაა და შეიძლება ადამიანი, არჩადენილი დანაშაულისა და სიტყვის გამოხატვისთვის დაისაჯოს.