სპორტსმენ ძმებ ლომაძეებს პატიმრობა შეეფარდათ

საქართველოს ჩემპიონს ბერძნულ – რომაულ ჭიდაობაში იური ლომაძეს და მის ძმას პატიმრობა შეეფარდა. ბათუმის საქალაქო სასამართლოს გადაწყვეტილებით, პატიმრობა შეეფარდა დანაშაულში სავარაუდოდ მონაწილე დანარჩენ 3 პირსაც. ბრალდებულების ადვოკატები სასამართლოს გადაწყვეტილების გასაჩივრებას გეგმავენ. მათ მიაჩნიათ, რომ სასამართლოს შუამდგომლობა გირაოს შეფარდებასთან დაკავშირებით უნდა გაეთვალისწინებინა, რადგან დაკავებულები ნასამართლევები არ არიან. თავად ბრალდებულები დუმილის უფლებას იყენებენ. დაკავებულების ოჯახის წევრები კი მოქალაქის გატაცების ფაქტს უარყოფენ. როგორც ცნობილია ერთ-ერთი დაკავებული ბერძნულ-რომაულ ჭიდაობაში საქართველოს ჩემპიონი იური ლომაძე. მას და დანარჩენ 4 პირს ბრალი ჯგუფურ ძალადობასა და თავისუფლების უკანონო აღკვეთაში ედებათ.