სოფლის მხარდაჭერის პროგრამის ფარგლებში ოზურგეთის მუნიციპალიტეტში არსებულ ყველა ტერიტორიულ ერთეულში, აღნიშნული პროგრამით, რომელიც რეგიონული ფონდიდან ფინანსდება, ბეტონის გზები დაიგება. პროგრამის ჯამური თანხა , 75 პროექტისთვის 108 600 ლარია. აღნიშნულის შესახებ დღეს ოზურგეთის მუნიციპალიტეტის მერის მოადგილემ, გიორგი ღურჯუმელიძემ საკრებულოს სხდომაზე დეპუტატებს გააცნო. ასევე, რეგიონებში განსახორციელებელი პროექტების ფონდიდან ოზურგეთის მუნიციპალიტეტის დაბა ურეკში ორი ინფრასტრუქტურული პროექტი : ძმობისა და მესხიძის მეორე ქუჩებზე რეაბილიტაცია იგეგმება, რომლის ღირებულებაც – 453, 067. 79 ლარია. ერთ-ერთი ბოლო საკითხი, რომელიც ღურჯუმელიძემ წარმომადგენლობითი ორგანოს დეპუტატებს წარუდგინა 2024 წლის ბიუჯეტის შესრულების ანგარიში იყო. როგორც მერის მოადგილემ აღნიშნა , გასული წლის ბიუჯეტის შესრულებამ 100 % გადააჭარბა.
კომენტარები
Loading ...