ბულგარეთის პოლიციამ და პროკურატურამ ამერიკელ კოლეგებთან ერთად ქალაქ სოფიის ერთ-ერთი უნივერსიტეტის სტამბაში სპეცოპერაცია ჩაატარეს. გამოძიების თანახმად, აქ დიდი ხნის განმავლობაში იბეჭდებოდა უმაღლესი ხარისხის ყალბი დოლარი და ევრო.
უნივერსიტეტიდან ამოღებულია პრინტერები და ფულის დასაბეჭდი სხვა მოწყობილობა. სამართალდამცავებმა ასევე ამოიღეს 4 მილიონი ყალბი აშშ დოლარი და 3.5 მილიონზე მეტი ყალბი ევრო.
უნივერსიტეტის დასახელება ჯერ არ გახმაურებულა. დაკავებულია ორი პირი, უნივერსიტეტის თანამშრომელი მამაკაცი და ქალი. გამოძიების თანახმად, მათ უნივერსიტეტის სტამბაში წარმოებული ყალბი ბანკნოტების ნომინალური ღირებულების 10% ამოიღეს.
პოლიციას მიაჩნია, რომ ეჭვმიტანილები დიდი დანაშაულებრივი დაჯგუფების წევრები არიან, რომლებიც ყალბი დოლარის კონტრაბანდას ახორციელებენ უკრაინაში და ევროს დასავლეთ ევროპის ქვეყნებში.
Loading ...