სოფელ ჭახათში კაცმა ცეცხლს თავი ვერ დააღწია და დაიღუპა

ქობულეთში, სოფელ ჭახათში მამაკაცმა ცეცხლს თავი ვერ დააღწია და გარდაიცვალა. თვითმხილველების ინფორმაციით, ის ეზოში თივას წვავდა, რა დროსაც ცეცხლი მასაც მოეკიდა. 

აჭარის საზოგადოებრივ მაუწყებელს, სასწრაფო დახმარების ცენტრში უთხრეს, რომ მედიკოსებს მამაკაცი გარდაცვლილი დახვდათ. 

ადგილზე საპატრულო პოლიციის ეკიპაჟიც იმყოფებოდა. სხვა დეტალები ამ ეტაპზე უცნობია. გარდაცვლილია 70 წლამდე ასაკის მამაკაცი. 

შინაგან საქმეთა სამინისტროს ინფორმაციით, გამოძიება 187-ე მუხლის მესამე ნაწილით დაიწყო, რაც ნივთის დაზიანებას ან განადგურებას გულისხმობს, რამაც გაუფრთხილებლობით ადამიანის სიცოცხლის მოსპობა გამოიწვია. 

http://ajaratv.ge