ოზურგეთის მუნიციპალიტეტის სოფელ ჭანიეთში ტაძარი გაიხსნა. ეკლესია, რომელიც 13 ასურელი მამის სახელობისაა, შემოქმედელმა მიტროპოლიტმა მეუფე იოსებმა აკურთხა.
ტაძარი ხალხის მიერ გაღებული შემოწირულობების შედეგად აშენდა. როგორც ჭანიეთში ამბობენ, ეკლესიის ასაშენებელი თანხა წლების მანძილზე გროვდებოდა და ამ საქმის ორგანიზებას ჭანიეთში მცხოვრები მამინაშვილების ოჯახი დიდი კეთილსინდისიერებით ასრულებდა. აღნიშნულ საქმეში დიდი დახმარება გასწიეს პარლამენტის თავმჯდომარის მოადგილემ არჩილ თალაკვაძემ, ოზურგეთის მუნიციპალიტეტის ყოფილმა მერმა კოტე შარაშენიძემ და მოქმედმა მერმა ავთანდილ თალაკვაძემ. ტაძრის მშენებლობის პროცესს დაეხმარა ბიზნესმენი ვანო ჩხარტიშვილიც. უშუალოდ მშენებლობის პროცესში ჩართული იყო ჭანიეთში მცხოვრები მოსახლეობა. საბოლოოდ, 3 დეკემბერს სოფელ ჭანიეთში 13 ასურელი მამის სახელობის ტაძარი საზეიმოდ გაიხსნა.
ინფორმაცია და ფოტომასალა მოწოდებულია მარინა ჩიხლაძის მიერ.
Loading ...
