სოფელ ცხემლისხიდის N50 საარჩევნო უბნის ათამდე ამომრჩეველი იმ ადამიანთა დასჯას ითხოვს, რომლებმაც მათი არჩევანი გააყალბეს

ოზურგეთის მუნიციპალიტეტის სოფელ ცხემლისხიდის N50 საარჩევნო უბნის ათამდე ამომრჩეველმა დღეს ოზურგეთის რაიონულ პროკურატურას განცხადებით მიმართა. აღნიშნული უბნის ამომრჩეველი ამ უწყებიდან იმ ადამიანთა დასჯას მოითხოვდნენ, რომლებმაც 31 ოქტომბრის საპარლამენტო არჩევნები სოფელ ცხემლისხიდში გააყალბეს. განცხადება, რომელსაც ოფიციალურად ხელს ამ სოფლის 9 მკვიდრი აწერს, რაიონულ პროკურატურაში, დღეს ოზურგეთის ლეიბორისტული პარტიის ადგილობრივმა ლიდერმა, ოზურგეთის მუნიციპალური საკრებულოს დეპუტატმა, დავით მამალაძემ შეიტანა. ამომრჩევლებმა ჩვენთან საუბარში განაცხადეს, რომ მათ არჩევნები გაუყალბეს და ხმები წაართვეს. რადგანაც მათი არცევანი ლეიბორისტული პარტია იყო, თუმცა საბოლოო ოქმში ეს საარჩევნო კომისიის წევრებმა არ ასახეს და მათი ხმები გაქრეს. დავით მამალაძე პროკურატურისაგან ქმედითი ღონისძიებების გატარებას ითხოვს, წინააღმდეგ შემთხვევაში მოუწოდებს საზოგადოებას და ოპოზიციას შეიქმნას როგორც ალტერნატიული პარლამენტი, ასევე ალტერნატიული პროკურატურა და სახალხო პოლიცია.