ოზურგეთის მუნიციპალიტეტის მერის ავთანდილ თალაკვაძის განცხადებით სოფელ შემოქმედში ე.წ. ჩაის ფაბრიკის კორპუსი საცხოვრებლად საფრთხისშემცველია და შენობა დემონტაჟს ექვემდებარება. აქ მცხოვრები ოჯახები კი ალტერნატიული საცხოვრებელი ფართების შესაძენად კომპენსაციას მიიღებენ.
”კიდევ ერთი მნიშვნელოვანი სიახლე უნდა გაგაცნოთ, რომელიც ოზურგეთის მუნიციპალიტეტის სოფელ შემოქმედში მდებარე ავარიულ მრავალბინიან კორპუსს, ე.წ. ჩაის ფაბრიკის ბინებს ეხება. ჩვენ ეს შენობა საფუძვლიანად შევამოწმეთ, იგი ამორტიზებულია და საფრთხეს წარმოადგენს იქ მცხოვრებთათვის, ამიტომ შემოქმედში, ე.წ. ჩაის ფაბრიკის ბინებში მცხოვრებ ოჯახებს მინდა ვუთხრა, რომ თითოეული თქვენგანი პრემიერ–მინისტრის გადაწყვეტილებით მიიღებს ფულად დახმარებას 30 000 ლარის ოდენობით , რათა შეძლოთ ალტერნატიული ფართის შეძენა და უსაფრთხოდ განაგრძოთ ცხოვრება. ექსპერტების დასკვნის თანახმად, კი თავად ეს შენობა ექვემდებარება დემონტაჟს.” – განაცხადა ავთანდილ თალაკვაძემ
Loading ...