ჩოხატაურის მუნიციპალიტეტის სოფელ სურებში მოსახლეობა ჰესის მშენებლობას აპროტესტებს. სურებში კომპანია “სუფსა ენერჯი” 7,8 მგვტ სიმძლავრის ჰესის აშენებას გეგმავს.თუმცა მოსახლეობის დიდი ნაწილი ამის წინააღმდეგია, რასთან დაკავშირებითაც სურებელები დღეს გურიის გუბერნატორისადმი მიმართვას ხელს აწერდნენ. მიმართვაში სურებელები გიორგი სახოკიას სთხოვენ კომპანიას უარი ეთქვას მოთხოვნაზე, რის შედეგადაც კომპანია მიწის, მდინარის და ხე-ტყის რესურსს 49 წლიანი იჯარით მიიღებს. ადგილობრივების თქმით, ჰესის აშენების შემთხვევაში სოფელი უნიკალურ ეკოსისტემას დაკარგავს, მილში მოექცევა მდინარე სუფსა, განადგურდება თევზი, შესაბამისად, უპერსპექტივო გახდება სოფლის ტურისტული პოტენციალიც.
კომენტარები
Loading ...