ოზუგეთის მუნიციპალიტეტის, სოფელ მშვიდობაურში ბერი გაბრიელ სალოსის სახელობის ეკლესიის მშენებლობა, ცქვიტინიძეების ოჯახის თაოსნობით მიმდინარეობს. უფრო კონკრეტულად კი ეკლესიის მშენებლობა რევაზ ცქვიტინიძის ინიციატივითა და მხარდაჭერით ხორციელდება.
ჩვენ ამ თემასთან დაკავშირებით სოფლის ყოფილ გამგებელს ირაკლი ცქვიტინიძეს გავესაუბრეთ, რომელიც რევაზ ცქვიტინიძის ძმაა და მშენებლობის ერთ-ერთი ხელშემწყობი. ბატონმა ირაკლიმ ჩვენთან მშენებლობის დეტალებზე ისაუბრა: “ეკლესია მამა გაბრიელ სალოსის სახელობის იქნება. აშენდება კელია, დაიდგმება ჯვარი და გაკეთდება განათება.” – ირაკლი ცქვიტინიძემ ასევე აღნიშნა ადგილობრივი მოსახლეობის წვლილი მშენებლობაში. ” სამშენებლო სამუშაოებსა და პატარ-პატარა დეტალებს ყველა ერთობლივად ვაკეთებთ. არის ერთი-ორი ოჯახი, რომელიც ფინანსურად გვეხმარება, თუმცა ძირითადი თანხა, ჩემ ძმას რევაზ ცქვიტინიძეს ეკუთვნის”.
ტაძრის მშენებლობის დასრულების ზუსტი თარიღი ჯერჯერობით ცნპბილი არაა. თუმცა ცქვიტინიძეების ოჯახის და მშვიდობაურელების დიდი სურვილია, რომ წლევანდელ აღდგომის ბრწყინვალე დღესასწაულს სოფლის მოსახლეობა ახალაშენებულ ტაძარში შეხვდეს.
მასალა პროექტის “განათლებული, პროფესიონალი კადრები რეგიონული მედიის გაძლიერებისთვის” ფარგლებში ლიკა სარიშვილმა, ლიკა თურქაძემ მოამზადეს.
Loading ...