სოფელ კარდენახში მაღაზია “მაგნიტის” აფეთქება სცადეს

სოფელ კარდენახში მაღაზია “მაგნიტის” აფეთქება სცადეს. შემთხვევა წუხელ, გვიან ღამით მოხდა. შედეგად, არავინ დაშავებულა.

ადგილობრივების ინფორმაციით,  2-დან 3 საათამდე ძლიერი აფეთქების ხმა გაიგეს, დილით კი მაღაზიის კარის მინა ჩამსხვრეული დახვდათ. მათივე თქმით, შენობას 2 ასაფეთქებელი საშუალება ესროლეს, აქედან მხოლოდ ერთი ამოქმედდა.

პოლიციამ ვიდეოკამერის ჩანაწერები უკვე ამოიღო. შინაგან საქმეთა სამინისტრომ საქმე სხვისი ნივთის დაზიანების მუხლით აღძრა. იყო თუ არა მაღაზიის მიმართულებით ნასროლი, ხელყუმბარა, გამოძიება დაადგენს.