სამი აქცია ერთმანეთის პარალელურად – თბილისში, ბათუმსა და თელავში აქტივისტები და უფლებადამცველები შეიკრიბნენ, რომლებიც ბახმაროში ჰესის მშენებლობას აპროტესტებენ.
თბილისში, რუსთაველის გამზირზე შეკრებილმა ადამიანებმა განაცხადეს, რომ მდინარე ბახვისწყალსა და მის შენაკადზე ჰესის მშენებლობა კურორტ ბახმაროს უნიკალური სარეკრეაციო ტერიტორიას დააზიანებს. აქციის მონაწილეების განმარტებით, მშენებლობა საფრთხეს უქმნის არა მარტო მდინარის ხეობას, არამედ ზოგადად რეგიონის მდგრად განვითარებას. ჰესის მშენებლობის მოწინააღმდეგეებმა დღესვე პეტიციაზე ხელმოწერების შეგროვება დაიწყეს.
კურორტ ბახმაროში დაგეგმილი ჰესის მშენებლობასთან დაკავშირებით დაწყებულ პროტესტს ბათუმსა და თელავშიც შეუერთდნენ. სამოქალაქო აქტივისტებმა სახელწოდებით “გადავარჩინოთ ბახმარო” აქცია გამართეს და “ბახვი 1 ჰესის” წინააღმდეგ კამპანიას მხარი დაუჭირეს.