გულწრფელად რომ გითხრათ, ისიც ვერ გავიგე გიორგი გახარია რატომ გადადგა, იმის გარდა, რაც თავად განაცხადა, – ამის შესახებ ჟურნალისტებს სოზარ სუბარმა განუცხადა. მისი თქმით, გუნდში ამაზე რამე მსჯელობა მისი მონაწილეობით, არ ყოფილა.
სუბარმა ასევე ისაუბრა შსს-ს მიერ ნიკა მელიასთან დაკავშირებით გადაწყვეტილების აღსრულებაზეც. მისი თქმით, შინაგან საქმეთა სამინისტრომ კარგად იცის, თუ როგორ უნდა მოხდეს პირის წარდგენა სასამართლოში ან დაკავება.
„ნიკა მელიასთან დაკავშირებით სასამართლომ სწორი გადაწყვეტილება მიიღო და მას სხვა გამოსავალი აღარ ჰქონდა. ნიკა მელიამ უარი თქვა, დამორჩილებოდა სასამართლო გადაწყვეტილებას, რაც გირაოს გადახდას ითვალისწინებდა. ამის შემდეგ თუ როგორ აღასრულებს შინაგან საქმეთა სამინისტრო სასამართლოს გადაწყვეტიოლებას, წმინდა ტექნიკური თემაა და არა პოლიტიკური“, – განაცხადა სუბარმა.
გიორგი გახარიამ პრემიერ-მინისტრის თანამდებობა დატოვა. პრემიერ-მინისტრის გადადგომასთან დაკავშირებით, შინაგან საქმეთა სამინისტრომ ნიკანორ მელიას საქმეზე დაგეგმილი ღონისძიება დროებით გადადო.
Loading ...