სკოლის მიმდებარედ მოსწავლეს ავტომობილი დაეჯახა – შემთხვევა ახალციხეში

sknews.ge -ს ინფორმაციით, დღეს, 16 აპრილს, ახალციხეში N5 საჯარო სკოლის მიმდებარედ, მოსწავლეს მანქანა დაეჯახა. დაშავებული სასწრაფო სამედიცინო დახმარების ჯგუფს კლინიკაში გადაჰყავს.

ადგილზე მობილიზებულია საპატრულო პოლიცია.

არასრულწლოვანი კონტაქტურია, ამ ეტაპზე უცნობია რომელ სამედიცინო დაწესებულებაში გადაიყვანენ.

შსს-ს ინფორმაციით, საქმეზე გამოძიება სისხლის სამართლის კოდექსის 276 მუხლის მე-2 ნაწილით მიმდინარეობს, რაც ავტომობილის მოძრაობის უსაფრთხოების წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.