მესტიიდან 14 კმ-ში, მულახის თემში მეწყერი ჩამოწვა. როგორც მესტიის მუნიციპალიტეტის მერი კაპიტონ ჟორჟოლიანი „ინტერპრესნიუსთან“ საუბრისას აცხადებს, ამ დროისთვის გარესამყაროს 8 ოჯახია მოწყვეტილი, ადგილზე გეოლოგების ჩასვლას კი დღეს ელოდებიან.
მისივე ინფორმაციით, მოსახლეობის ევაკუაცია არ იგეგმება.
„გადაუღებელი წვიმებისა და თოვლის დნობის შედეგად ერთი კვირაა მეწყრული პროცესები დაიწყო, განსაკუთრებით გუშინ და გუშინწინ გააქტიურდა. მძიმე ტექნიკა აქ არის, ღონისძიებები ტარდება, რომ მოსახლეობას არაფერი დაემართოს. გარესამყაროს მოწყვეტილია 8 ოჯახი. დღესვე ჩამოვლენ გეოლოგები. მოსახლეობის ევაკუაცია არ იგეგმება, თუმცა, ზოგმა გადაწყვიტა თავად წასულიყო“, – აცხადებს ჟორჟოლიანი.
კომენტარები
Loading ...