სახელმწიფო სუბსიდია თხილის მწარმოებლებს – ვის შეუძლია სარგებლობა და ჰა-ზე რა ოდენობის ქულებს მიიღებენ

თხილის მწარმოებელმა ფერმერებმა, თხილის წარმოების ხელშეწყობის სახელმწიფო პროგრამაში მონაწილეობის მისაღებად, ბაღები 2025 წლის 16 მაისის ჩათვლით უნდა დაარეგისტრირონ. ამის შესახებ სოფლის განვითარების სააგენტო წერს.

აღნიშნული პროგრამით სარგებლობა შეუძლია საქართველოს მოქალაქე ფიზიკურ პირს, რომელსაც საკუთრებაში ან/და თანასაკუთრებაში ან/და სარგებლობაში ან/და ფაქტობრივ მფლობელობაში აქვს თხილის ბაღი, ჯამური ფართობით არანაკლებ 0.2 ჰა და არაუმეტეს – 3 ჰა. სუბსიდიის მოცულობა 1 ჰა-ზე 500 ლარით განისაზღვრება.

კონკრეტულად განსაზღვრულ სუბსიდიას ფერმერი „ლიბერთი ბანკის“ აგრობარათზე შესაბამისი ქულების დარიცხვით მიიღებს – სპეციალიზებულ აგრომაღაზიებში ქულების გამოყენება 2025 წლის 31 აგვისტომდეა შესაძლებელი.

სახელმწიფო პროგრამაში ჩართვის მსურველებმა სოფლის განვითარების სააგენტოს შესაბამის რეგიონულ სამსახურს უნდა მიმართონ.

თხილის კადასტრში ბაღების რეგისტრაციის პროცედურის გავლა აუცილებელია იმ შემთხვევაშიც, თუ ფერმერს ბაღი კადასტრში გასულ წლებში დარეგისტრირებული ჰქონდა.

www.bpn.ge