„ბოლო ერთი კვირის განმავლობაში საწვავის ფასი 13-15 თეთრით შემცირდა, რაც დიდ კომპანიებზე დღეიდან აისახა. უახლოეს პერიოდშიც პოზიტიური მოლოდინები გვაქვს“, – „ბიზნესპრესნიუსთან“, ამის შესახებ, „ნავთობპროდუქტების იმპორტიორთა კავშირის“ თავმჯდომარემ, ვახტანგ იობაშვილმა განაცხადა.
მისი თქმით, ბოლო კვირების საერთაშორისო ტენდენციები დასტაბილურებისკენ არის მიმართული, რაც საწვავის ფასზე შესაბამისად აისახება.
„იცით, რომ საქართველო, საწვავის მხრივ, მთლიანად გარე ფაქტორებზეა დამოკიდებული, ბოლო პერიოდში კი საერთაშორისო ვითარება შედარებით დასტაბილურდა, რაც საწვავის ფასზეც აისახა. შეიძლება ითქვას, რომ ბოლო ერთ კვირაში ფასი 13-15 თეთრით შემცირდა და დიდმა კომპანიებმა ამის ასახვა დღეიდან დაიწყეს“.
„ნავთობპროდუქტების იმპორტიორთა კავშირის“ თავმჯდომარე ასევე ხაზს უსვამს, რომ თუკი არსებული ტენდენციები შენარჩუნდა, ფასის კლება უახლოეს კვირებშიც მოსალოდნელია.
„ასევე ვიტყოდი, რომ თუკი ბოლო კვირებში არსებული ტენდენცია ამავე დინამიკით წავიდა, ფასის კლება კიდევ მოსალოდნელია და, შესაძლოა, უალხოეს კვირებში 20 თეთრსაც მიაღწიოს. ეს ყველას ინტერესშია, მათ შორის – თავად საწვავის რეალიზატორებისაც, რადგან როცა ფასი იკლებს, მოხმარების მასშტაბები იზრდება“, – აღნიშნა იობაშვილმა „ბიზნესპრესნიუსთან“.
www.bpn.ge
Loading ...