საქმიანობები, სადაც ყველაზე მაღალი და დაბალი ხელფასებია საქართველოში

ცნობისთვის, „საქსტატის“ მიხედვით, 2023 წლის 1-ელ კვარტალში საშუალო თვიური ნომინალური ხელფასი წლიურად 18.7%-ით გაიზარდა და 1 717 ლარი შეადგინა, წინა კვარტალში დაფიქსირებული წლიური 21.2%-იანი ზრდის შემდეგ.

როგორც „გალთ ენდ თაგარტის“ მიმოხილვაშია აღნიშნული, სექტორების მიხედვით, 2023 წლის 1-ელ კვარტალში ყველაზე მაღალი საშუალო თვიური ხელფასი დაფიქსირდა შემდეგ დარგებში:

• ფინანსური და სადაზღვევო საქმიანობა – 3 761 ლარი, წლიური ზრდა 23.8%;
• ინფორმაცია და კომუნიკაცია – 3 631 ლარი, წლიური ზრდა 55.2%;
• პროფესიული და სამეცნიერო საქმიანობა – 2 387 ლარი, წლიური ზრდა 21.6%;
• მშენებლობა – 2 146 ლარი, წლიური ზრდა 14.7%;
• სახელმწიფო მმართველობა – 2 078 ლარი, წლიური ზრდა 22.6%.

ამასთან, მიმოხილვის თანახმად, 2023 წლის 1-ელ კვარტალში, ყველაზე დაბალი საშუალო თვიური ხელფასი ფიქსირდება:

• განათლების დარგში – 1 009 ლარი, წლიური ზრდა 12.7%;
• წყალმომარაგების დარგში – 1 089 ლარი, წლიური ზრდა 18.8%;
• სოფლის მეურნეობის დარგში – 1 259 ლარი, წლიური ზრდა 35%.