საქართველოში 24 საათის განმავლობაში კორონავირუსით სამი პაციენტი გარდაიცვალა, – ამის შესახებ ჯანდაცვის მინისტრმა, ეკატერინე ტიკარაძემ საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
„24 საათის განმავლობაში გვაქვს სამი გარდაცვალება, ორი გარდაცვალება ბათუმში და ერთი ქუთაისში“, – განაცხადა ტიკარაძემ.
როგორც ვიუწყებოდით გარდაცვილთაგან ერთი ოზურგეთის მუნიციპალიტეტის სოფელ დვაბზუს მკვიდრია. 88 წლის ქალბატონი დღეს დილით ქუთაისის კოვიდ მიმღებ ცენტრში გარდაიცვალა. ქალბატონი 4 დღის წინ სასწრაფოს ბრიგადამ ცხელებით გადაიყვანა ქუთაისში და დღეს დადასტურდა მისი ბიოლიგიური გარდაცვალება. ქალბატონს თანმხლები დაავადებები ჰქონდა
5 ოქტომბრის მონაცემებით, საქართველოში კორონავირუსის 578 ახალი შემთხვევა იყო, გამოჯანმრთელდა 375 პაციენტი.
კომენტარები
Loading ...