ერთი კვირის წინ გავრცელებული ინფორმაციით ჩოხატაურის მუნიციპალიტეტის ზემო ფარცხმის მკვიდრს, 39 წლის მამაკაცს კორონავირუსი სამ თვეში მეორეჯერ დაუდასტურდა.
გურიაში რეინფიცირების შესაძლო შემთხვევას დაავადებათა კონტროლის ეროვნული ცენტრი სწავლობს.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველოში კორონავირუსით რეინფიცირების შემთხვევა ლაბორატორიულად და გენეტიკურად დადასტურებული არ არის.
„რეინფიცირების არც ერთი შემთხვევა ჯერ ლაბორატორიულად არ დადასტურებულა. კვლევაში არის რამდენიმე ათეული შემთხვევა, იქედან უმრავლესობა უკუგდებულია, რამეთუ არ დადასტურდა რეინფიცირება გენეტიკური კვლევებით.
ახლა, ამ ეტაპზე, დღეისთვის არც ერთი რეინფიცირების შემთხვევა ლაბორატორიულად და გენეტიკურად დადასტურებული ჩვენ არ გვაქვს“, – განუცხადა საქართველოს პირველ არხს ამირან გამყრელიძემ.