საქართველოში პურის ფასი, შესაძლოა, 20%-ით გაიზარდოს. მიზეზი მსოფლიო ბირჟებზე არსებული პანიკაა. ხორბალიც და ფქვილიც ქვეყანას რუსეთიდან შემოაქვს.
იმპორტიორები უკვე აანონსებენ, რომ ფასების ზრდას გვერდს ვერ აუვლიან. გაძვირდება ფქვილი, პური და პურპროდუქტები. პურის ქარხნები, შესაძლოა, სახელწმიფომ დაასუბსიდროს, თუმცა თონეებს წინ მძიმე დღეები ელოდებათ.
ხორბლის ფასმა აიწია. პროცესი გამოწვეულია იმით, რომ რუსეთი გავიდა შეთანხმებიდან, რომელიც ჰქონდა გაეროსთან და თურქეთთან ერთად უკრაინული გემების გამოტარებასთან დაკავშირებით. პრაქტიკულად, ხორბლის მაარგები ქვეყანაში არ ასრებობს, პრაქტიკულად, არცერთი წისქვილკომბინატი ამმარაგებს არ აკეთებს გამომდინარე იქიდან, რომ თვითონ არ მუშაობს, თუ ქვეყანამ თავისი თვაი არ დაიცვა, თუ ჩვენ არ დავიცავით ჩვენი ინდუსტრია, თუ ჩვენმა ქვეყანამ არ მოახერხა ის, რომ არსებული ვითარება შეამსუბუქა, ფასები ყველა შემთხვევაში გაიზრდება. ველოდებით რთულ ზამთარს, – ამბობს ფოთის პორტის მარცვლეულის ტერმინალის დირექტორი ქეთი კუბლაშვილი.
მეხორბლეტა ასოციაციის ხელმძღვანელი ლევან სილაგავა პირდაპირ ამბობს, რომ ფქვილი ქვეყანაში გაძვირებული ფასით შემოვა. მისი თქმით, პროდუქტის გაძვირება დაახლოებით 2 კვირაშია მოსალოდნელი.
ფქვილი ხომ ფორმირდება ხორბლის გადამუშავების შედეგად. იქიდან გამომდინარე, რომ თვითონ რუსეტში რომ გადასახადი არის მცურავი ბაჟი 50$, ეს იმას ნიშნავს, რომ ეს გადასახადი აწვება შიგნით რუსეთის ბაზარს. გარე საექსპორტო ბაზარს აწვება ჩვენთვის ხორბალი რომ წამოვიღოთ. ჩვენ, სავარაუდოდ, ამ შემთხვევაში, გადავერთვებით ფქვილის შემოტანაზე და ფქვილი შემოვა, მაგრამ შემოვა, რა თქმა უნდა, გაძვირებული ფასით. პირველი ეფექტით შეიძლება ფქვილის ფასმა მატება დაიწყოს უკვე გადაცემის ეფექტი როცა არის, დაახლოებით 10 დღე ორ კვირაში, საწყის ეტაპზე ეს შეიძლება იყოს 2-3 ლარი ერთ ტომარზე, თუმცა პურში ეს როგორ გადავა, დამოკიდებული იქნება უკვე პურის მწარმოებლების და მათი ასოციაციის ხედვაზე, – ამბობს სილაგავა.
რუსეთის მიერ შეთახნმების დარღვევის შემდეგ მახოლოდ ერთ დღეში, მაგალითად, ჩიკაგოში, ხორბლის ფასი 7%-ით გაიზარდა. საშიშ ვითარებაშია ევროზონაც.
რაც შეეხება საქართველოს, აქ ხელისუფლება მოსალოდნელ კრიზისს ისევ მოუმზადებელი ხვდება.
Loading ...
