ბოლო 10 წელიწადში საქართველოს მოქალაქეობა 43 488 პირს შეუწყდა. ამის მიზეზი კი სხვა ქვეყნის მოქალაქეობის მიღებაა. ასეთია „სახელმწიფო სერვისების განვითარების სააგენტოს“ მიერ პარლამენტის წევრის ანა ნაცვლიშვილის სადეპუტატო კითხვის პასუხად გაგზავნილი მონაცემები.
კერძოდ, ამ მონაცემების თანახმად, მხოლოდ 2023 წელს 28 სექტემბრის მდგომარეობით, სხვა ქვეყნის მოქალაქეობის მიღების გამო საქართველოს მოქალაქეობა 3 006 პირს შეუწყდა. აღსანიშნავია, რომ სტატისტიკა ყველაზე მაღალი იყო 2013 წელს, როდესაც აღნიშნული მიზეზით საქართველოს მოქალაქეობა – 19 339 პირს შეუწყდა.
წლების მიხედვით კი, სხვა ქვეყნის მოქალაქეობის მიღების გამო საქართველოს მოქალაქეობის დაკარგვის სტატისტიკა ასე გამოიყურება:
- 2013 წელი – 19 339 პირი;
- 2014 წელი – 4 816 პირი;
- 2015 წელი – 4 571 პირი;
- 2016 წელი – 2 138 პირი;
- 2017 წელი – 2 575 პირი;
- 2018 წელი – 1 739 პირი;
- 2019 წელი – 1 353 პირი;
- 2020 წელი – 680 პირი;
- 2021 წელი – 1 194 პირი;
- 2022 წელი – 2 077 პირი;
- 2023 წელი (28 სექტემბრის მდგომარეობით) – 3 006 პირი
კომენტარები
Loading ...