საქართველოს ანანასის იმპორტი გაუძვირდა – სად ვყიდულობთ და რამდენად

ახალი წლის მოახლოებასთან ერთად, ანანასი ერთ-ერთი ყველაზე მოთხოვნადი პროდუქტი ხდება.

აღსანიშნავია, რომ წელს საქართველოს ანანასის იმპორტი გაუძვირდა. ამის შესახებ სტატისტიკის ეროვნული სამსახურის მონაცემებიდან ირკვევა.

უფრო კონკრეტულად, 2025 წლის იანვარ-ნოემბერში, ქვეყანაში 1.507 მლნ აშშ დოლარის ღირებულების 1 410 ტონა ანანასის იმპორტი განხორციელდა. ეს მაშინ, როცა გასული წლის ანალოგიურ საანგარიშო პერიოდში, საქართველომ 1 429 ტონა ანანასი 1.327 მლნ აშშ დოლარად იყიდა.

თუ აღნიშნულ მონაცემებზე დაყრდნობით ვიმსჯელებთ, გამოდის, რომ გასულ წელს 1 კგ ანანასის საშუალო საიმპორტო ფასი (გადასახადების გარეშე) 90 ცენტი იყო, წელს კი საქართველო კილოგრამ პროდუქტში 1 აშშ დოლარს იხდის. მონაცემებიდან ჩანს, რომ ფასის ცვლილება 11%-იან ზრდას შეადგენს.

სტატისტიკის ეროვნული სამსახურის მიხედვით, საქართველოსთვის ანანასის ძირითადი საიმპორტო ქვეყანა თურქეთია. თურქეთიდან წელს 1.226 მლნ აშშ დოლარის ღირებულების 1 244 ტონა ანანასი ვიყიდეთ.

სხვა ქვეყნებიდან საქართველოში ანანასის იმპორტი უმნიშვნელო რაოდენობით განხორციელდა.

www.bpn.ge