სატელეფონო ანძის საყრდენი კედლის ჩამონგრევას – 35 წლამდე მამაკაცი ემსხვერპლა

35 წლამდე მამაკაცის სიცოცხლე ემსხვერპლა შემთხვევას ახმეტაში. როგორც ადგილობრივევი ჟურნალისტებს ეუბნებიან, სახანძრო- სამაშველო სამსახურის ეზოს ტერიტორიაზე დამონტაჟებული, სატელეფონო ანძის გასასწორებლად რამდენიმე მეტრის სიმაღლეზე ასულ კაცს ფეხქვეშ ბეტონის საყრდენი ჩაენგრა და სიმაღლიდან გადავარდა. კაცი ადგილზე გარდაიცვალა.

გარდაცვლილი კაცი კომპანია ,,მაგთიკომის” თანამშრომელია და კახეთში სტიქიის გამო დაზიანებული ანძის შეკეთებას ცდილობდა.

რადიო თავისუფლებას კომპანია “მაგთიკომში” დაუდასტურეს, რომ გარდაცვლილი მათი თანამშრომელია, თუმცა ამ ეტაპზე მომხდარის დეტალებზე ვერ საუბრობენ.