„ჭარბი ჰიდრატაცია არის დიაგნოზი, რომელიც პირველ რიგში გვამცნობს წყალ-მარილის მეტაბოლიზმის დარღვევას“, – ადასტურებს მარია ზელნერი, დიეტოლოგი და სპორტული მედიცინის სპეციალისტი ციურიხის ჰირსლანდენის კლინიკაში. გადაჭარბებული ჰიდრატაციის რთული ფორმა, რომელსაც მედიცინაში უწოდებენ ჰიპონატრიემიას, წყლით ინტოქსიკაციას ან წყლით მოწამვლას, იშვიათია და ჩვეულებრივ თან ახლავს თირკმელების ქრონიკულ დაავადებას, ასევე დიაბეტის და გულის შეგუბებით უკმარისობას.
ჭარბი რაოდენობის წყლის დალევა ისეთივე არაჯანსაღია, როგორც წყლის რაოდენობის შემცირება, თუმცა წყურვილის გადაჭარბებული მოკვლა სხვა და უფრო რთულ შედეგებთან არის დაკავშირებული. წყლის შეწოვა ამცირებს მარილებისა და ელექტროლიტების საერთო დონეს, რაც აუცილებელია კუნთების სრული ფუნქციონირებისთვის. ჭარბი ჰიდრატაციის მსუბუქი ფორმები შეიძლება გამოიხატოს კუნთების კრუნჩხვით.
არა ექსტრემალურ სიტუაციებში არ უნდა აიძულოთ თავს რომ წყალი დალიოთ, თუ არ გწყურიათ. ამ საკითხში უმჯობესია ენდოთ სხეულს, რომელსაც შეუძლია თავად განსაზღვროს რამდენი წყალი გჭირდებათ. თუ აბსორბირებული სითხის დღიური რაოდენობა არ შეესაბამება თქვენი ორგანიზმის საჭიროებებს, ეს შეიძლება გამოვლინდეს უსიამოვნო სიმპტომებით. გახშირებული შარდვა, შეშუპება, ოფლიანობა, თავის ტკივილი და კონცენტრაციის პრობლემები შეიძლება იყოს ზედმეტი ჰიდრატაციის ნიშნები.
„არ არსებობს წყლის ყოველდღიური მოხმარების ერთიანი ნორმა, ამ დასკვნამდე ჯანდაცვის მსოფლიო ორგანიზაცია ორი წლის წინ მივიდა. ეს ყველაფერი დამოკიდებულია ინდივიდუალურ მახასიათებლებზე, ცხოვრების წესზე, კვების კულტურაზე და სხვა რიგ ფაქტორებზე“ – ასკვნის ექსპერტი.
Loading ...
