რუსული სარაკეტო იერიშების შედეგად, დაზიანდა ხარკოვის ინფრასტრუქტურული ობიექტები. გაითიშა მეტრო და ტროლეიბუსებისა და ტრამვაის მოძრაობა. ქალაქის მერის, იგორ ტერეხოვის ინფორმაციით, შეიქმნა წყალმომარაგების პრობლემაც.
“ენერგეტიკის ინჟინრები ყველაფერს აკეთებენ იმისათვის, რომ რაც შეიძლება მალე აღდგეს წყლის მიწოდება ქალაქის მცხოვრებთა სახლებში.” ამბობს ტერეხოვი.
უკრაინული მედიის ინფორმაციით, დროებით ოკუპირებული ყირიმის გარდა, უკრაინის მთელ ტერიტორიაზე დღეს დილით საჰაერო განგაში გამოცხადდა.
თავდასხმის შემდეგ კიევის ნაწილი ელექტროენერგიის გარეშე დარჩა, ზოგიერთ რაიონში კი წყალმომარაგება არ არის.
ზაპორიჟიეში დაბომბვის შედეგად დაზიანდა კრიტიკული ინფრასტრუქტურის ობიექტები. ადგილობრივმა ხელისუფლებამ მოსახლეობა ელექტროენერგიის შესაძლო გათიშვაზე გააფრთხილა.
მტერმა ასევე შეუტია ჩერკასის რეგიონის ერთ-ერთ კრიტიკულ ინფრასტრუქტურულ ობიექტს, რის გამოც რეგიონის ნაწილი ელექტროენერგიის გარეშე დარჩა.
დნიპროსა და პავლოგრადში რუსმა დამპყრობლებმა ენერგეტიკულ ობიექტებს ცეცხლი გაუხსნეს. დაბომბვას მოჰყვა სერიოზული ნგრევა. ადგილებზე ყველა შესაბამისი სამსახური მუშაობს.
გავრცელებული ინფორმაციით, დღეს დილით უკრაინის შეიარაღებული ძალების საჰაერო ძალებმა 50 რუსული რაკეტიდან 44 ჩამოაგდეს.
Loading ...
