სამოქალაქო მოძრაობა “თავისუფლებისთვის” საკუთარი ოფისის აივნიდან საპროტესტო პოსტერის გადმოფენის გამო ოზურგეთის ზედამხედველობის ინსპექციამ განმეორებით, უკვე 3000 ლარით დააჯარიმა. ამის შესახებ ინფორმაციას ორგანიზაციის ერთ-ერთი დამფუძნებელი, ოთარ რევიშვილი აქვეყნებს.
“ადგილზე არ ვიმყოფებით, ტელეფონით მომახსენეს და კიდევ ერთხელ დაჟინებით ამტკიცებენ, რომ რაღაცას ვარეკლამებთ. სისტემა რუსულ სტილში აგრძელებს რეპრესიებს! ახლაც გაგიმეორებთ, რაც გინდათ ის წერეთ, თავისუფალ ადამიანებს ვერ გაგვაჩუმებთ!” -წერს ოთარ რევიშვილი სოციალურ ქსელში.
შეგახსენებთ, რომ ოზურგეთის მუნიციპალიტეტის ზედამხედველობის სამსახურმა ორი დღის წინ სამოქალაქო მოძრაობა “თავისუფლებისთვის” 1500 ლარით დააჯარიმა. საქმე ეხება ბანერს, რომელიც მოძრაობის ოფისის აივანზეა განთავსებული წარწერით “რუსულმა ოცნება არჩევნები მოიპარა”.
კომენტარები
Loading ...
