სამგზავრო ავტობუსს პოლიციის პიკაპი დაეჯახა – ავტოსაგზაო შემთხვევა გორში

გორში, სამგზავრო ავტობუსს პოლიციის პიკაპი დაეჯახა. არავინ დაშავებულა. შემთხვევა წმინდაწყლის ხიდთან, გორისციხის სიახლოვეს მოხდა.

მომხდარის შესახებ ინფორმაციას “ქართლის ამბები” ავრცელებს.

ინციდენტი შეთანხმებით დასრულდა. ტრანსპორტის სააგენტოსთვის მიყენებულ ზიანს კრიმპოლის წარმომადგენელი აანაზღაურებს.

,,შევთანხმდით, რომ ზარალს ავუნაზღაურებ, არ ვასაჩივრებ,” – განუცხადა კრიმპოლის წარმომადგენელმა პატრულს.

ავტობუსის მძღოლმა განმარტა, რომ იგი წმინდაწყლიდან საგზაო მოძრაობის წესების დაცვით მოძრაობდა, მდინარე მეჯუდას ხიდზე გადასვლისას კი პიკაპი დაეჯახა, რადგან სწრაფად მოდიოდაო. მისი თქმით, მგზავრებს შორისაც არავინ დაშავებულა.