„სამართლიანი არჩევნების“ ხმების პარალელური დათვლის შედეგებით, ცდომილების გათვალისწინებით, „ქართული ოცნების“ მაქსიმალური შედეგია 46.5%, „ნაციონალური მოძრაობის“ – 27%

„სამართლიანი არჩევნებისა და დემოკრატიის საერთაშორისო საზოგადოება“ ხმების პარალელური დათვლის (PVT) შედეგებს აქვეყნებს.

ორგანიზაციის მიერ ხმების დათვლის პარალელური შედეგების მიხედვით, „ქართული ოცნება-დემოკრატიული საქართველომ“ გამოთვლილი პროცენტით ხმების 45.8% მიიღო. ამასთან, ცდომილების გათვალისწინებით, პარტიის მინიმალური შედეგია – 45.1%, მაქსიმალური შედეგი კი – 46.5%. ცდომილების ხარისხი არის 0.7 %.

ამავე შედეგების მიხედვით, „ერთიანი ნაციონალური მოძრაობას“ – გამოთვლილი პროცენტით ხმების 26.4% მიიღო. ამასთან, ცდომილების გათვალისწინებით, პარტიის მინიმალური შედეგია – 25.8%;  მაქსიმალური შედეგი კი – 27.0%. ცდომილების ხარისხი არის 0.6%.

ამავე შედეგების მიხედვით, „ბაქრაძე, უგულავა, ბოკერია- ევროპული საქართველომ“ გამოთვლილი პროცენტით ხმების 3.7% მიიღო. ამასთან, ცდომილების გათვალისწინებით, პარტიის მინიმალური შედეგია – 3.5%; მაქსიმალური შედეგი კი – 3.9.0%. ცდომილების ხარისხი არის 0.2 %.

ამავე შედეგების მიხედვით, „დავით თარხან-მოურავი, ირმა ინაშვილი – პატრიოტთა ალიანსმა“ გამოთვლილი პროცენტით ხმების 3.1% მიიღო. ამასთან, ცდომილების გათვალისწინებით, პარტიის მინიმალური შედეგია – 3.0%;  მაქსიმალური შედეგი კი – 3.2%. ცდომილების ხარისხი არის 0.1 %.

ამავე შედეგების მიხედვით, „ლელო-მამუკა ხაზარაძემ“ გამოთვლილი პროცენტით ხმების 3.1% მიიღო. ამასთან, ცდომილების გათვალისწინებით, პარტიის მინიმალური შედეგია – 2.9%;  მაქსიმალური შედეგი კი – 3.3%. ცდომილების ხარისხი არის 0.2 %.

შედეგების მიხედვით, „ვაშაძე – სტრატეგია აღმაშენებელმა“ გამოთვლილი პროცენტით ხმების 3.0% მიიღო. ამასთან, ცდომილების გათვალისწინებით, პარტიის მინიმალური შედეგია – 2.9%;  მაქსიმალური შედეგი კი – 3.1%. ცდომილების ხარისხი არის 0.1 %.

შედეგების მიხედვით, „გირჩმა“ გამოთვლილი პროცენტით ხმების 2.8% მიიღო. ამასთან, ცდომილების გათვალისწინებით, პარტიის მინიმალური შედეგია – 2.6%;  მაქსიმალური შედეგი კი – 3.0%. ცდომილების ხარისხი არის 0.2 %.

შედეგების მიხედვით, „ალეკო ელისაშვილი-მოქალაქეებმა“ გამოთვლილი პროცენტით ხმების 1.3 % მიიღო. ამასთან, ცდომილების გათვალისწინებით, პარტიის მინიმალური შედეგია – 1.2%;  მაქსიმალური შედეგი კი – 1.4 %. ცდომილების ხარისხი არის 0.1 %.

შედეგების მიხედვით, „შალვა ნათელაშვილი – ლეიბორისტული პარტიამ“ გამოთვლილი პროცენტით ხმების 1.0 % მიიღო. ამასთან, ცდომილების გათვალისწინებით, პარტიის მინიმალური შედეგია – 0.0%;  მაქსიმალური შედეგი კი – 1.1%. ცდომილების ხარისხი არის 0.1 %.

შედეგების მიხედვით, „ნინო ბურჯანაძე – ერთიანი საქართველომ“ გამოთვლილი პროცენტით ხმების 0.9% მიიღო. ამასთან, ცდომილების გათვალისწინებით, პარტიის მინიმალური შედეგია – 0.8%;  მაქსიმალური შედეგი კი – 1.0.2%. ცდომილების ხარისხი არის 0.1 %.

როგორც ორგანიზაციაში „სამართლიანი არჩევნები“ განაცხადეს, არჩევნების დღის მიმდინარეობის თაობაზე მიღებული ინფორმაციის საფუძველზე, ორგანიზაცია დარწმუნებულია ხმების პარალელური დათვლის (PVT) შედეგად დაფიქსირებულ შედეგებში. მათი ინფორმაციით, „სამართლიანმა არჩევნებმა“ მიიღო ინფორმაცია მისი დამკვირვებლების 96.1%-ისგან.

ამასთან, მათივე ცნობით, „შალვა ნათელაშვილი-ლეიბორისტული პარტიის“ მიერ მიღებული ხმების პროცენტული მაჩვენებელი მერყეობს 0.9%-სა და 1.1%-ს შორის, ხოლო „ნინო ბურჯანაძე-ერთიანი საქართველოს“ მიერ მიღებული ხმების პროცენტული მაჩვენებელი – 0.8%-სა და 1.0%-ს შორის ინტერვალშია.

„ამდენად, „სამართლიან არჩევნებს“ არ შეუძლია, დანამდვილებით განაცხადოს გადალახეს თუ არა აღნიშნულმა პარტიებმა 1%-იანი საარჩევნო ბარიერი“, – აცხადებენ ორგანიზაციაში.

მათივე ინფორმაციით, ბათილად ცნობილი ბიულეტენების პროცენტულმა მაჩვენებელმა ქვეყნის მასშტაბით შეადგინა 3.5% (0.1%-ანი ცდომილების ზღვარით) და ეს მაჩვენებელი უმნიშვნელოდ აღემატება 2016 წლის საპარლამენტო არჩევნების მაჩვენებელს (3.2%).