“სალომე ზურაბიშვილმა ჩაიდინა ღალატი” – ირაკლი ღარიბაშვილი

საქართველოს პრეზიდენტმა სალომე ზურაბიშვილმა ღალატი ჩაიდინა – განაცხადა დღეს გამართულ ბრიფინგზე „ქართული ოცნების“ თავმჯდომარემ ირაკლი ღარიბაშვილმა.

მისი თქმით, ზურაბიშვილი სახელმწიფოს ინტერესებს არ ემსახურება.

„პირადად ვიტყვი, ახლა უკვე ჩემ თავს მივცემ უფლებას, ვინაიდან აღარ ვარ მთავრობის ხელმძღვანელი და პარტიის ხელმძღვანელი ვარ, სალომე ზურაბიშვილმა ჩაიდინა ღალატი, თითოეული ჩვენი პარტიის თითოეული წევრის თვალში, ჩვენი გადმოსახედიდან, ის არ ემსახურება ჩვენი სახელმწიფოს ინტერესებს, მან უხეშად დაარღვია კონსტიტუცია, არაერთგზის და სამწუხაროდ, აგრძელებს კონსტიტუციის დარღვევას“, – აცხადებს ირაკლი ღარიბაშვილი.

შეგახსენებთ, „ქართული ოცნების“ თავმჯდომარემ ირაკლი ღარიბაშვილმა მარტიდან, ქვეყნის 10 რეგიონში 100-დღიანი წინასაარჩევნო ტურნე დააანონსა.

“მარტიდან, მომდევნო 100 დღის განმავლობაში ვგეგმავ 10 რეგიონში ჩასვლას” – ღარიბაშვილი