იაპონიაში საკრუიზო გემზე 10 ადამიანი კორონავირუსით გამოწვეული პნევმონიით დაინფიცირდა. ხელისუფლების გადაწყვეტილებით გემი, რომელზეც ოთხი ათასამდე მგზავრია, იოკოჰამის სანაპირო წყლებში ორი კვირის განმავლობაში კარანტინში იქნება.
საკრუიზო გემმა Diamond Princess იოკოჰომა 20 იანვარს დატოვა, გაიარა კაგოშიმა – ჰონგ კონგი – ოკინავას მარშრუტი და ორშაბათს დაბრუნდა. ამ დროისთვის გემზე მყოფმა რამოდენიმე ადამიანმა თავი შეუძლოდ იგრძნო და ხელისუფლებამ გადაწყვიტა, ყველა მგზავრი შეემოწმებინა.
იაპონიის ჯანმრთელობის, შრომისა და კეთილდღეობის სამინისტროს გავრცელებული ინფორმაციით 10 ადამიანში ექიმებმა გამოავლინეს პნევმონია, რომელიც გამოწვეულია ახალი კორონავირუსით. ხელისუფლების განცხადებით, ისინი შესაძლოა ჰონგ კონგიდან მომავალი მგზავრისგან დაინფიცირდნენ .
ხელისუფლება იუწყება, რომ გემზე მყოფი ყველა მგზავრი, რომელთაც ვირუსი აღმოაჩნდათ საავადმყოფოში გადაიყვანეს კანაგავას პრეფექტურაში.
Diamond Princess ლაინერის ოპერატორი თავის ვებგვერდზე აცხადებს, რომ იაპონიის სამი, ჩინეთის სამი მოქალაქე, ორი ავსტრალიელი, ერთი აშშ-ს მოქალაქე და ფილიპინელი (ეკიპაჟის წევრი) კორონავირუსის დადასტურებული დიაგნოზით გადაყვანილია საავადმყოფოში.
მთლიანობაში, საკრუიზო კომპანიის მონაცემებით, Diamond Princesses- ის ბორტზე სულ 2,666 მგზავრი და ეკიპაჟის 1.045 წევრი იყო. მათგან დაახლოებით ნახევარი იაპონიის მოქალაქეა, ხოლო დანარჩენები სხვა, 56 ქვეყნის მოქალაქეა.
www.bbc.com
Loading ...
