საქართველოს საკონსტიტუციო სასამართლოს წევრად, უზენაესი სასამართლოს სამოქალაქო საქმეთა პალატის მოსამართლე, რევაზ ნადარაია დაინიშნა. გადაწყვეტილება უზენაესი სასამართლოს პლენუმმა მიიღო.
რევაზ ნადარაიამ საკონსტიტუციო სასამართლოში ხვიჩა კიკილაშვილის ადგილი დაიკავა.
“საქართველოს კონსტიტუციის მე-60 მუხლის მე-2 პუნქტის, საერთო სასამართლოების შესახებ საქართველოს ორგანული კანონის მე-18 მუხლის მე-2 პუნქტის გ ქვეპუნქტისა და საქართველოს საკონსტიტუციო სასამართლოს შესახებ საქართველოს ორგანული კანონის 73 მუხლის თანახმად, საქართველოს უზენაესი სასამართლოს პლენუმის გადაწყვეტილებით, საქართველოს საკონსტიტუციო სასამართლოს წევრად დაინიშნა ბატონი რევაზ ნადარაია”. – ნათქვამია უზენაესი სასამართლოს მიერ გავრცელებულ ინფორმაციაში.
შეგახსენებთ, 2021 წლის 12 ივლისს პარლამენტმა რევაზ ნადარაია, 5 მოსამართლესთან ერთად, უზენაესი სასამართლოს მოსამართლედ უვადოდ დანიშნა. მაშინ, უზენაესი მოსამართლეების უვადოდ დანიშვნას აშშ-დან დიდი კრიტიკა მოჰყვა. ეს ქმედება დაგმო აშშ-ს სახელმწიფო მდივანმა, ენტონი ბლინკენმა, ასევე, მოვლენები აშშ-ს სახელმწიფო დეპარტამენტმაც უარყოფითად შეაფასა.
Loading ...