საკვები პროდუქტებისთვის ახალი რეგულაცია ამოქმედდება – რა წერია დადგენილებაში

სურსათის ნაწილში ბუნებრივი დამაბინძურებლების ზღვარი შემცირდა, ზოგიერთისთვის კი დადგინდა. კერძოდ, როგორც მთავრობის დადგენილებაში ვკითხულობთ, საუბარია ოხრატოქსინ A-ზე, რომელიც ძირითადად სოფლის მეურნეობის და მისგან ნაწარმოებ პროდუქტებში გვხდება. ეს არის ბუნებრივად წარმოქმნილი (ჭუჭყისგან) მიკროტოქსინი, რომელიც გვხვდება სოფლის მეურნეობის პროდუქტში.

რა რეგულაცია ამოქმედდება საკვები პროდუქტებისთვის?

დადგენილების მიხედვით, აღნიშნული ტოქსინის ზღვარი დადგინდა მაგალითად ფისტაში, ბალახოვან მცენარეებსა და ა.შ, ხოლო შემცირდა ჩირში.

უფრო კონკრეტულად:

• ყურძნის მშრალი ნაყოფი/მარცვალი (ქიშმიში, ჩამიჩი, უწიპწო ოქროსფერი ქიშმიში) და მშრალი ლეღვი (ლეღვის ჩირი) ოხრატოქსინი A-s ზღვარი 10.0-დან 8,0- მკგ/კგ-მდე შემცირდა;
• სხვა მშრალი ხილი (ჩირი) – 3.0-დან 2.0-მდე;
• ფინიკის სიროფი (მანამდე არ იყო ცალკე ) – ოხრატოქსნი A-s ზღარი დადგინდა 15 მკგ/კგ;
• ფსტა, რომელიც საბოლოო მომხმარებლისათვის ბაზარზე განთავსებამდე ან სურსათში ინგრედიენტად გამოყენებამდე ექვემდებარება დახარისხებას ან სხვა სახის ფიზიკურ დამუშავებას – 10.0 15 მკგ/კგ;
• ფსტა, რომელიც განთავსებულია ბაზარზე საბოლოო მომხმარებლისათვის ან სურსათში ინგრედიენტად გამოყენებისათვის – 5.0 15 კგ/კგ;
• მშრალი (ხმელი) ბალახოვანი მცენარეები – 10.0 მკგ/კგ;
• ჯანჯაფილის/კოჭას ფესვები (მშრალი) მცენარეულ ნაყენებში გამოსაყენებლად – 15 მკგ/კგ;
• ტუხტის ფესვები (მშრალი), ბაბუაწვერას ფესვები (მშრალი) და ფორთოხლის ყვავილი (მშრალი), მცენარეულ ნაყენებში ან ყავის შემცვლელებში გამოსაყენებლად – 20 მკგ/კგ;
• მზესუმზირის თესლი, გოგრის თესლი, საზამთროს თესლი, კანაფის თესლი, სოიოს მარცვალი 5.0 მკგ/კგ;
• გადაუმუშავებელი მარცვლოვანი კულტურები – 5.0 მკგ/კგ მარცვლოვნები, რომლებიც განთავსებულია ბაზარზე საბოლოო მომხმარებლისათვის. პროდუქტები, რომლებიც მიიღება გადაუმუშავებელი მარცვლოვანი კულტურებიდან – 3.0 მკგ/კგ;
• პროდუქტები, რომლებიც არ შეიცავენ ზეთოვან კულტურების თესლს, თხილს და/ან ჩირებს (მშრალ ხილს) – 2.0 მკგ/კგ პროდუქტები, რომლებიც შეიცავენ არანაკლებ 20% ყურძნის მშრალ მარცვლებს და/ან მშრალ ლეღვს( ლეღვის ჩირს) – 4.0 მკგ/კგ;
• სხვა პროდუქტები, რომლებიც შეიცავენ ზეთოვან თესლს, თხილს და/ ან ჩირებს (გამომშრალ ხილს) – 3.0 მკგ/კგ;
• ალაოს უალკოჰოლო სასმელები – 3.0 მკგ/კგ;
• ყავის მარცვლები მოხალული და დაფქული მოხალული ყავა, გარდა 1.2.15 ქვეპუნქტით განსაზღვრული პროდუქტებისა – 5.0-დან შემცირდა 3.0 მკგ/კგ-მდე;
• ხსნადი ყავა – 10.0-დან შემცირდა 5.0 მკგ/კგ-მდე;
• კაკაოს ფხვნილი -3.0 მკგ/კგ.

როგორც დადგენილებაში ვკითხულობთ, რეგულაცია 2026 წლის 1-ლი ივნისიდან ეტაპობრივად ამოქმედდება.

www.bpn.ge