სავარაუდოდ ხვალ მთავრობა "კომენდანტის საათის" გაუქმების გადაწყვეტილებას მიიღებს

წინასწარ გავრცელებული არაოფიციალური ინფორმაციით საკოორდინაციო საბჭო ხვალინდელ სხდომაზე ე.წ. “კომენდანტის საათის” გაუქმების გადაწყვეტილებას მიიღებს.

ჯერჯერობით უცნობია გადაადგილებაზე შეზღუდვის გაუქმება ხვლიდანვე შევა ძალაში თუ რამდენიმე დღის შემდეგ.

დღეს ამირან გამყრელიძემ დაადასტურა, რომ ხვალინდელ საკოორდინაციო საბჭოს სხდომაზე მთავრობა “კომენდანტის საათის” შესახებ იმსჯელებს. 

„საკოორდინაცო საბჭო ყოველ კვირაში ერთხელ მსჯელობს ყველა აქტუალურ საკითხზე, დიდი ალბათობით, ამ საკითხზეც ხვალ იქნება მსჯელობა“, – აღნიშნა გამყრელიძემ.

გადაადგილებაზე შეზღუდვა საქართველოში ნოემბრიდან მოქმედებს. თავდაპირველად შეზღუდვა 21 საათიდან დილის 5 საათამდე მოქმედებდა. ბოლო ცვლილებებით კი იგი 23 საათიდან 4 საათამდე ვრცელდება.