სად ჩატარდება მსოფლიოს 2030 და 2034 წლების საფეხბურთო ჩემპიონატები – ფიფამ ქვეყნები დაასახელა

ფიფა-მ 2030 წლის მსოფლიო ჩემპიონატის მასპინძლობა ესპანეთს, პორტუგალისა და მაროკოს მიანიჭა, ხოლო 2034 წელს მუნდიალი საუდის არაბეთში ჩატარდება.

აღსანიშნავია, რომ 2030 წელს მსოფლიო ჩემპიონატის პირველი სამი შეხვედრა სამხრეთ ამერიკის კონტინენტზეც ჩატარდება. მსოფლიო თასის 100 წლის იუბილესთან დაკავშირებით ერთი მატჩი ურუგვაიში (პირველი მუნდიალის მასპინძელი) ჩატარდება, ერთი – არგენტინაში (პირველი მუნდიალის ფინალისტი), ხოლო ერთიც – პარაგვაიში, რადგან კონმებოლის (სამხრეთ ამერიკის ფეხბურთის მმართველი ორგანო) ოფისი პარაგვაიშია და 1930 წელს ეს ერთადერთი მოქმედი კონფედერაცია იყო.

ჯერ გადაწყვეტილი არაა, 2034 წელს მსოფლიო ჩემპიონატის საუდის არაბეთში ზამთარში ჩატადება, თუ ზაფხულში. აღნიშნული ქვეყანა ყველაზე მასშტაბური საფეხბურთო ფორუმისთვის 11 ახალ სტადიონს ააშენებს.