სად არის მასწავლებლების ხელფასი ყველაზე მაღალი და ყველაზე დაბალი

ევროპის ქვეყნებში მასწავლებლების ხელფასები ერთმანეთისგან მნიშვნელოვნად განსხვავდება.

ევროკავშირის განათლების საინფორმაციო ქსელის (Eurydice) თანახმად, ევროკავშირის ქვეყნებში მასწავლებელთა საშუალო ანაზღაურება 25 055 ევროა.

2020/2021 წლებში მასწავლებლებს ყველაზე მაღალი ანაზღაურება ჰქონდათ ლუქსემბურგში, სადაც საშუალო ხელფასმა 69,076 ევროს მიაღწია.

მასწავლებლების ანაზღაურებამ 50,000 ევროს კიდევ ორ ქვეყანაში: შვეიცარიაში (66,972 ევრო) და გერმანიაში (54,129 ევრო) გადააჭარბა.

ევროპაში ყველაზე დაბალი ხელფასი – 4233 ევრო მასწავლებლებს ალბანეთში ჰქონდათ.

2020 წელს ევროკავშირში განათლებაზე დახარჯულმა თანხამ 671 მილიარდი ევრო ანუ მშპ-ს 5 პროცენტი შეადგინა.

ევროკავშირის ქვეყნები, რომლებიც მშპ-სთან მიმართულებით, განათლებაზე ყველაზე მეტს ხარჯავენ, არის შვედეთი (7 პროცენტი), ბელგია და ესტონეთი (6,6 პროცენტი), შემდეგ დანია (6,4 პროცენტი).

ბლოკის გარეთ ყველაზე მეტი – მშპ-ს 7,7 პროცენტი განათლებაზე ისლანდიამ დახარჯა, ყველაზე ნაკლები კი ირლანდიამ (3,1 პროცენტი), რუმინეთმა (3,7 პროცენტი) და ბულგარეთმა (4 პროცენტი).