ოზურგეთში ბოლო 24 საათში კორონავირუსის რეკორდული მაჩვენებელი 111 შემთხვევა დაფიქსირდა. აღნიშნული შემთხვევები მხოლოდ ანტიგენზე დამყარებული ტესტით გამოვლინდა. ე.წ. პისიარ ტესტის პასუხებს კი საღამოს ელოდებიან. ეპიდსიტუაცია გამწვავებულია, როგორც ქალაქ ოზურგეთში, ასევე მუნიციპალიტეტის მთელ რიგ სოფლებში, სადაც მოსახლეობის რაოდენობაა დიდი, ასევე საკურორტო ზონებთან. ოზურგეთის საზოგადოებრივი ჯანდაცვის ცენტრში მომართვიანობა მაღალია. ეპიდემიოლოგი ელზა სიმონიშვილი მდგომარეობას საგანგაშოს უწოდებს და მოსახლეობას იმუნიზაციას და რეგულაციების დაცვას სთხოვს. აქვე ახალ ინფორმაციასაც აჟღერებს , რომ უკვე დღეიდან “ფაიზერით” აცრა ოზურგეთის გარდა ლანჩხუთისა და ჩოხატაურის სამედიცინო კლინიკებში იქნება შესაძლებელი, ასევე შეკვეთილის ტერიტორიაზე.
კომენტარები
Loading ...