საბერძნეთში 23 წლის ქართველი დაჭრეს

საბერძნეთში, არისტოტელეს უნივერსიტეტთან, კიმეიოს მოედანზე სროლის შედეგად ერთი ადამიანი დაიჭრა.

ბერძნული მედიის ინფორმაციით, დაშავებული 23 წლის კაცია. ის საავადმყოფოში ორმა მეგობარმა მიიყვანა, შემდეგ კი ტერიტორია სწრაფად დატოვეს. ახალგაზრდას ოპერაცია ჩაუტარდა.

მედიის ცნობით, დაშავებულს საბერძნეთის მოქალაქეობა აქვს, თუმცა წარმოშობით ქართველია. წარსულში ის ყაჩაღობისა და ნარკოტიკების საქმეებში ფიგურირებდა. დაშავებული ამბობს, რომ მას მოულოდნელად ორი უცხოელი დაესხა თავს და ფეხებში ესროლეს.

ბერძნულ მედიაში წერენ, რომ საქმე სავარაუდოდ “ანგარიშსწორებას” უკავშირდება, რადგან დაშავებულს ყაჩაღობის საქმეზე წინასწარი პატიმრობა ჰქონდა შეფარდებული და ციხიდან 1 თვის წინ გათავისუფლდა.

შემთხვევის ადგილზე ტყვიის 7 მასრა იპოვეს. პოლიციამ მომხდართან დაკავშირებით 8 პირი დააკავა. აქედან 5 უნივერსიტეტთან, 3 კი მიმდებარე ტერიტორიაზე. მოგვიანებით ისინი გაათავისუფლეს, რადგან გაირკვა, რომ ინციდენტში არ მონაწილეობდნენ.