საბერძნეთში ქართველი ქალი სახლების ძარცვისთვის დააკავეს

ბერძნული მედიის ცნობით, ათენში 31 წლის ქალი დააკავეს. მათი ინფორმაციით, საქართველოს მოქალაქეს ბრალად ედება იტალიაში ჩადენილი ყაჩაღობა და მკვლელობის მცდელობა.

გავრცელებული ინფორმაციით, ახალგაზრდა ქალმა ერთი წლის წინ იტალიაში, კალაბრიას რეგიონში 3 ადამიანთან ერთად საცხოვრებელი სახლი დააყაჩაღა. საქმის მასალებზე დაყრდნობით, ძარცვის დროს მას რამდენიმე საათის განმავლობაში მძევლად ჰყავდა აყვანილი სახლის მეპატრონე და მისი ოჯახის წევრები, მათ შორის ჩვილი ბავშვი. ბერძნული მედიის ცნობით, ახალგაზრდა ქალი თანამძრახველებთან ერთად იტალიის მოქალაქეებს სასტიკად გაუსწორდა, რა დროსაც დაზიანებები მიიღეს ახალშობილმა და მისმა დედამ.

ბერძნულ მედიაში ვრცელდება ინფორმაცია, რომ საქართველოს მოქალაქე ძებნილი იყო და ის ათენში იტალიიდან ჩავიდა.