“რუსული კანონმდებლობის მსგავსია, მიზანი განსხვავებული აზრის ჩაჩუმებაა – დეგნანი “ხალხის ძალის” კანონპროექტზე

რაში სჭირდება საქართველოს ამგვარი კანონი, როცა ის დემოკრატიის მიმართულებით საქართველოს მიღწევებისთვის საფრთხეს წარმოადგენს – ამის შესახებ აშშ-ს ელჩმა, კელი დეგნანმა “ხალხის ძალის” კანონპროექტთან დაკავშირებით ისაუბრა.

მისი თქმით, კანი პრობლემურია:

“ახალი კანონი არაერთი მხრივ პრობლემურია. მისი ამოქმედებისთვის ყოველდღე ახალ-ახალ მიზეზებს გვთავაზობენ. თავდაპირველად მიზეზად გამჭვირვალობა დასახელდა, მაშინ როცა ისედაც გამჭვირვალეა ინფორმაცია იმასთან დაკავშირებით, თუ როგორ ხდება საზღვარგარეთის ქვეყნებიდან საქართველოს დახმარება. მისი მიზანი ამერიკული ვარიანტისგან სრულიად განსხვავდება. შემუშავებული კანონპროექტი საზღვარგარეთ მყოფ ქართველებს თანამემამულეების დახმარებაში ხელს შეუშლის. ეს დააბრკოლებს ისეთ ორგანიზაციებს, რომლებიც მუშაობენ კლიმატის ცვლილებაზე, ბიზნესასოციაციებს, იურიდიული დახმარების ორგანიზაციებს, ორგანიზაციებ”- თქვა დეგნანმა.

ელჩის თქმით, “ხალხის ძალის” ძალის კანონპროექტი “რუსული კანონმდებლობის მსგავსია”:

ნათელია, რომ ეს კანონი მსგავსია რუსული კანონმდებლობისა, რომლის მიზანიც სამოქალაქო საზოგადოების სტიგმატიზაცია და განსხვავებული მოსაზრების ჩაჩუმებაა. ზუსტად ეს დავინახეთ რუსეთის მაგალითზე. იქ ამ კანონმა ეფექტურად იმოქმედა და გააჩუმა სამოქალაქო საზოგადოება. საქართველომ ძალიან ბევრი იშრომა იმისათვის, რომ გაემართა დემოკრატიული ინსტიტუციები, იბრძოლა დემოკრატიისთვის და მოქალაქეთა თავისუფლებისთვის. ეს კანონი ამ კუთხით ქართული საზოგადოების ყველა მიღწევას საფრთხეს შეუქმნის. სწორედ ამიტომ, საქართველოს დიდი ხნის პარტნიორები, როგორებიც არიან აშშ, ევროკავშირი, გაერო და სხვადასხვა ორგანიზაციები ამ საკითხთან დაკავშირებით შეშფოთებას გამოთქვამენ. ჩემი აზრით, შეკითხვა, რომელსაც პასუხი უნდა გაეცეს მდგომარეობს იმაში, თუ რაში სჭირდება საქართველოს ეს კანონი”- განაცხადა აშშ-ს ელჩმა.