თბილისის საქალაქო სასამართლოს მოსამართლე ლელა ცაგარეიშვილმა რუსული კანონის წინააღმდეგ გამართულ აქციაზე ნაცემი ამერიკელი იურისტი, ტედ ჯონასი 2 000 ლარით დააჯარიმა. ინფორმაციას “რადიო თავისუფლება” ავრცელებს.
გამოცემაც ადვოკატი, სანდრო ბარამიძე ეუბნება, რომ ჯონასი სამართალდამრღვევად ცნეს ადმინისტრაციულ სამართალდარღვევათა კოდექსის 166-ე (წვრილმანი ხულიგნობა) და 173-ე მუხლებით (პოლიციელის კანონიერი მოთხოვნისადმი დაუმორჩილებლობა). ის ამბობს, რომ საქმეში რაიმე ხელშესახები მტკიცებულება არ დევს.
სასამართლოს დასაბუთებული გადაწყვეტილების ჩაბარების შემდეგ, ტედ ჯონასი გადაწყვეტილების სააპელაციო სასამართლოში გასაჩივრებას გეგმავს.
შეგახსენებთ, რომ რუსული კანონის წინააღმდეგ გამართულ აქციაზე სამართალდამცავების მიერ ნაცემი დავით ქაცარავა, 23 ივლისს, სასამართლომ ასევე 2 000 ლარით დააჯარიმა. დღეს საქალაქო სასამართლომ პატიმრობაში დატოვა საბა მეფარიშვილი და ომარ ოკრიბელაშვილი, რომლებსაც ჯებირის დაზიანებას ედავებიან.
Loading ...
