რუსეთის პარლამენტის ზედა პალატის წევრი გამოვიდა მოწოდებით, შეწყდეს სამხედრო გაწვევაზე გამონაკლისის დაშვება სკოლიოზიანების, ანუ ხერხემლის გამრუდების მქონეთა და ბრტყელტერფიანებისთვის – იმ ფონზე, როცა უკრაინაში განცდილი დანაკარგების კომპენსაციისთვის, რუსეთში დაიწყო მოსახლეობაში უკმაყოფილების გამომწვევი ნაწილობრივი მობილიზაცია.
ოლგა კოვიტიდიმ, რომელიც წარმოადგენს რუსეთის მიერ 2014 წელს ანექსირებულ უკრაინის ყირიმის ნახევარკუნძულს, 22 სექტემბერს განაცხადა, რომ ზოგიერთი დაავადება ხელს არ უშლის სამხედრო სამსახურს. “ახლა რუსეთს ესაჭიროება არა მხოლოდ … პროფესიონალური არმია, არამედ რეზერვში იმ ახალგაზრდების გაზრდა, რომლებსაც შეუძლიათ სამსახური”, – მის სიტყვებს რუსეთის მედია ავრცელებს.
რუსეთი ეტაპობრივად 300 000-მდე რეზერვისტს გამოიძახებს უკრაინის ომისთვის, თქვა თავდაცვის მინისტრმა სერგეი შოიგუმ 21 სექტემბერს, თუმცა ექსპერტთა ნაწილი ფიქრობს, რომ ამ რაოდენობის მიღწევა ძალიან რთული იქნება.
კრემლის გადაწყვეტილებამ მობილიზაციაში მოიყვანოს ძალები ომისთვის, რომელმაც მისი 80 000-მდე სამხედრო მოსამსახურის დაღუპვა ან დაჭრა გამოიწვია, შიში და სიბრაზე გამოიწვია რუსეთის მოსახლეობის ნაწილში.
Loading ...