რუსეთში პრიგოჟინის კუთვნილი თვითმფრინავი ჩამოვარდა

რუსეთში, ტვერის რეგიონის, ბოლოგოვსკის რაიონის სოფელ კუჟენკინოსთან თვითმფრინავი ჩამოვარდა, ამის შესახებ იტყობინება ტელეგრამ არხი „112“. გამოცემის თქმით, საუბარია სამხედრო თვითმფრინავზე. გამოცემა “ბაზა” ირწმუნება, რომ  ჩამოვარდნილი თვითმფრინავი ბიზნეს ჯეტი იყო.

რუსეთის ფედერაციის საგანგებო სიტუაციების სამინისტროს ცნობით, ტვერის რეგიონში კერძო თვითმფრინავის ჩამოვარდნას 10 ადამიანი ემსხვერპლა, მათგან სამი ეკიპაჟის წევრი იყო. ჩამოვარდნილი ბიზნეს თვითმფრინავი მოსკოვიდან სანკტ-პეტერბურგისკენ მიემართებოდა.

ჩამოვარდნილი თვითმფრინავი ეკუთვნის PMC Wagner-ის დამფუძნებელს ევგენი პრიგოჟინს, იტყობინება ქსენია სობჩაკის ტელეგრამ არხი “სისხლიანი ქალბატონი”, წყაროებზე დაყრდნობით. იმყოფებოდა თუ არა ბორტზე თავად პრიგოჯინი, უცნობია.

წინასწარი მონაცემებით, ჩამოვარდა Embraer ERG 135 თვითმფრინავი საბორტე ნომრით RA-02795, აღნიშნავს ბაზა. PMC Wagner-თან ახლოს მდგომი ტელეგრამ არხი ირწმუნება, რომ ევგენი პრიგოჟინის თვითმფრინავი ჩამოაგდეს საჰაერო თავდაცვის ძალების ცეცხლით. ამ ინფორმაციის ოფიციალური დადასტურება არ არსებობს.

www.meduza.io