რუსეთში, ბურიატეთის დედაქალაქ ულან-უდედან აფრენისას თვითმფრინავს ცეცხლი გაუჩნდა. ამის შესახებ ინფორმაციას რუსული ტელეგრამ-არხები და ბურიატეთის ხელმძღვანელი ალექსეი ციდენოვი ავრცელებენ.
“ბაიკალის აეროპორტში, Авиастар-ТУ-ს ავიაკომპანიის Ту-204-ის ტიპის სატვირთო თვითმფრინავის ძრავას აფრენისას ცეცხლი გაუჩნდა. თვითმფრინავი დაზიანებების გარეშე დაეშვა”. – თქვა ციდენოვმა.
ამის პარალელურად, სხვადასხვა რუსულ ტელეგრამ-არხზე ვრცელდება ცეცხლმოკიდებული თვითმფრინავის ვიდეოები. Baza-ს ცნობით, თვითმფრინავი ულან-უდედან ჩინეთის ერთ-ერთი ქალაქში უნდა გაფრენილიყო. ამავე ინფორმაციით, საბოლოოდ თვითმფრინავი უსაფრთხოდ დაეშვა.
აქამდე, 1-ელ დეკემბერს აეროფლოტის თვითმფრინავი Boeing 777, რომელიც მოსკოვიდან მიფრინავდა, ავარიულად დაეშვა დასაჯდომ მოწყობილობასთან დაკავშირებული პრობლემის გამო.
Loading ...