რუსეთი საქართველოსთან, მოლდოვასთან და ბალტიის ქვეყნებთან ურთიერთობისთვის ,რუსულენოვანი მოსახლეობის უფლებების დაცვას ითხოვს

რუსეთის პრეზიდენტმა, ვლადიმირ პუტინმა საზღვარგარეთ რუსეთის ჰუმანიტარული პოლიტიკის კონცეფცია დაამტკიცა, – ინფორმაციას გამოცემა „ეხოკავკაზა“ ავრცელებს.

დოკუმენტში აღნიშნულია, რომ რუსეთის ჰუმანიტარული პოლიტიკის პრიორიტეტი საზღვარგარეთ, დსთ-ს ქვეყნებთან და აფხაზეთთან, ცხინვალის რეგიონთან, დონეცკისა და ლუგანსკის ე.წ სახალხო რესპუბლიკებთან თანამშრომლობის გაფართოება იქნება.

კონცეფციაში ასევე აღნიშნულია, რომ ლატვიასთან, ლიეტუვასთან, ესტონეთთან, საქართველოსა და მოლდოვასთან ურთიერთობისას გათვალისწინებული იქნება ამ ქვეყნებში რუსულენოვანი მოსახლეობის უფლებების დაცვა.

„რუსეთის ფედერაცია საზღვარგარეთ მცხოვრებ თანამემამულეებს საკუთარი უფლებების განხორციელებაში, მათი ინტერესების დაცვისა და რუსული კულტურული იდენტობის შენარჩუნებაში მხარს უჭერს“, – ნათქვამია კონცეფციის ტექსტში.