მსოფლიო ანტისადოპინგო სააგენტოს (WADA) აღმასრულებელმა კომიტეტმა მიიღო რეკომენდაცია, ოთხი წლით შეუწყვიტოს რუსეთს უფლება, მიიღოს მონაწილეობა მსხვილ სპორტულ საერთაშორისო ღონისძიებებში, როგორიცაა ოლიმპიადა და ყველა მსოფლიო ჩემპიონატი. რუსეთი ამ ხნის განმავლობაში, ასევე, ვერ შეძლებს, განაცხადი გააკეთოს რომელიმე საერთაშორისო ტურნირის მასპინძლობის ორგანიზებაზე. რეკომენდაცია კომიტეტის მიერ ერთხმად იქნა მიღებული. რუსეთის წარმომადგენელმა სააგენტოში, დაადასტურა ეს ინფორმაცია. მონაწილეობიდან მოკვეთა გულისხმობს, რომ რუსეთის სპორტსმენებს შესაძლებლობა ექნებათ მონაწილეობა მიიღონ უახლოეს ორ ოლიმპიადაში (ზამთრის და ზაფხულის) ნეიტრალური ფორმით, ხოლო თუკი მედალს მიიღებენ, გამარჯვების აღსანიშნავად რუსეთის დროშა არ აღიმართება, ასევე, არ შესრულდება ეროვნული ჰიმნი.თუმცა საერთაშორისო ოლიმპიურ კომიტეტს და მსოფლიო ჩემპიონატების ორგანიზატორებს შეუძლიათ, არ დაეთანხმონ ამ გადაწყვეტილებას.
გადაწყვეტილების მთავარი მიზეზი გახდა სადოპინგო სკანდალი, რომელიც სოჭის ოლიმპიადაში მონაწილე სპორტსმენების დოპინგ–ნიმუშების გაყალბებას უკავშირდება. WADA რუსეთის ხელისუფლებას მსოფლიო ანტიდოპინგური წესების მასშტაბურ დარღვევაში სდებს ბრალს.
Loading ...