რუსეთის საგარეო საქმეთა სამინისტროში აცხადებენ, რომ სომხეთი და აზერბაიჯანი რუსეთის შუამავლობით შეთანხმდნენ ცეცხლის შეწყვეტაზე 13 სექტემბრის 09:00 საათიდან. ოფიციალურ განცხადებაში გამოთქმულია „უკიდურესი შეშფოთება სომხეთ-აზერბაიჯანის საზღვრის ცალკეულ რაიონებში ვითარების მკვეთრად გაუარესების გამო“.
უფრო ადრე, ცეცხლის შეწყვეტის შესახებ ინფორმაცია გავრცელდა აზერბაიჯანული წყაროებით, თუმცა, რუსეთის შუამავლობა ნახსენები არ ყოფილა.
რუსეთის საგარეო საქმეთა სამინისტრო მხარეებს მოუწოდებს, თავი შეიკავონ სიტუაციის შემდგომი ესკალაციისგან და დაიცვან ცეცხლის შეწყვეტის რეჟიმი. მისივე განცხადებით, სომხეთსა და აზერბაიჯანს შორის ყველა სადავო პრობლემა უნდა გადაწყდეს მხოლოდ პოლიტიკურ-დიპლომატიური გზით, ხოლო რაც შეეხება სასაზღვრო საკითხებს – დელიმიტაციის ორმხრივი კომისიის ფარგლებში, რომელსაც საკონსულტაციო დახმარებას რუსეთი უწევს.
Loading ...