რუსეთის ქალაქ ბელგოროდში ნავთობის საწყობს ცეცხლი გაუჩნდა

რუსეთში, უკრაინის საზღვართან ახლოს, ქალაქ ბელგოროდში ნავთობის საცავს ცეცხლი გაუჩნდა, – ინფორმაციას რუსული მედია ავრცელებს.

„ქალაქ ბელგოროდში ნავთობის საცავში ხანძარია. სასწრაფო დახმარების ყველა სამსახური შემთხვევის ადგილზე იმყოფება. მიღებულია ზომები ცეცხლის ჩასაქრობად“, – წერს რეგიონის გუბერნატორი ვიაჩესლავ გლადკოვი ტელეგრამის არხზე.

ვიაჩესლავ გლადკოვი აცხადებს, რომ უკრაინულმა ვერტმფრენებმა ქალაქში მდებარე ნავთობის ტერმინალზე მიიტანეს იერიში. მისივე თქმით, ვერტმფრენები დაბალ სიმაღლეზე დაფრინავდნენ და უკრაინის ტერიტორიიდან შევიდნენ რუსეთში.

პირველადი ინფორმაციით, შემთხვევის შედეგად დაშავებულები არ არიან.